Европа го прославува 50 годишниот јубилеј

Церемонијата на прославата започна уште вчеравечер во Берлинската филхармонија каде германската канцеларка Ангела Меркел во својство на домаќин формално ги поздрави лидерите на Унијата. Германскиот претседател Хорст Келер се заложи за реформи во насока на приближување кон граѓаните на ЕУ. Германија ќе го зголеми притисокот врз противниците на реформите во ЕУ. Меркел ја нагласи потребата од реформи со цел Унијата да биде способна да се справува со идните предизвици.

“ Јас сум голем оптимист дека денеска на прославата на успешната историска приказна 50 години од Римските договори истовремено можеме да направиме поглед кон иднината. Одиме натаму со Европа“

Изјави канцеларката Ангела Меркел која заедно со претседателот на ЕК Жозе Мануел Барозо и претседателот на ЕП Ханс Герт Петеринг денеска ќе го потпишат текстот на Берлинската декларација. Документот во кој не се спомнува терминот европски устав треба да ги утврди насоките за натамошниот пат на Унијата