Европската комисија повторно во „битка“ со Мајкрософт

Европската комисијата денеска соопшти дека започнала истрага за можно непочитување на обврските од страна на „Мајкрософт“, во врска со веб-прелистувачот на оваа компанија за кој се има обврзано кон Комисијата во 2009 година.

Со цел да се избегне врзувањето на пребарувачот „Интернет експлорер-Мајкрософт интернет“, во декември 2009. година Комисијата правно го обврза „Мајкрософт“ да им овозможи на корисниците на „Виндоус“ во Европската унија полесно да го изберат својот пребарувач. Со оваа одлука „Мајкрософт“ се обврзува да обезбеди повеќе избори на европските корисници на „Виндоус“ до 2014. година.

Според еврокомесарот Хоакин Алмунија, сето ова се покажа како многу ефективно кога било имплементирано, со оглед на тоа што им овозможило на корисниците вистински избор за користење на производот што најмногу одговара на нивните потреби.

Но, иако „Мајкрософт“ во декември минатата година доставил извештај до Комисијата дека иконата за избор е се‘ уште присутна, Еврокомисијата утврдила дека „Мајкрософт“ не ги почитувал своите обврски во периодот од февруари 2011. година до денес.

„Мајкрософт“ ги призна овие факти. Лансирањето на „Виндоус 7 сервис пак 1” во февруари 2011. година, покажа дека „иконата за избор“ повеќе не се прикажува. И покрај ова, „Мајкрософт“ во декември минатата година не‘ извести дека изборот е се‘ уште присутен“, посочи комесарот Алмунија.

Поради тоа, Еврокомисијата сега започнува формална постапка против компанијата. Ако по нивното истражување биде потврдено ова прекршување, тоа може да има тешки последици за „Мајкрософт“. Ако прекршокот се потврди, ќе има санкции, потврди Алмунија.