Европска комисија – Бегалци

Бегалците со легален статус во ЕУ треба да добијат поголеми права. Според предлогот на Европската комисија, лицата кои подолго од пет години легално престојуваат во некоја од земјите членки на Унијата и самите се издржуваат, би требало да стекнат право на престој. Ова го предложи евро комесарот за внатрешни работи и правда Франко Фратини. До сега азилантите и бегалците со привремени визи имаа полош статус од останатите доселеници во земјите на ЕУ.