1. Прескокни до содржината
  2. Прескокни до главната навигација
  3. Кон други страници на DW

ЕУ со нови правила за цигарите

ЕМФ/ард21 јуни 2013

ЕУ сака да ги заостри правилата за тутунските производи, со што треба да се делува превентивно пред се‘ кај младите генерации. Се предвидуваат шокантни слики на пакувањата и забрана за цигари со силни ароми.

https://p.dw.com/p/18u7y
Фотографија: AFP/Getty Images

Министрите за здравство на земјите членки на ЕУ постигнаа договор најмалку 65% од површината на пакувањата на цигарите во иднина да бидат задолжително покриени со предупредувања и застрашувачки слики. Текстови од типот „Пушењето убива“ и сега се обврска, но ново е тоа што на пакувањата треба да има слики кои ќе шокираат, како нозе на пушачи, расипани заби од пушење, пациенти во болнички кревети. Вакви фотографии веќе има на пакувањата во повеќе земји во Унијата, но тоа не важи за цела ЕУ.

Russland verbietet Rauchen in öffentlichen Gebäuden
Фотографија: DW/E. Winogradow

Во иднина треба да се забранат и ароми кои силно го менуваат вкусот на цигарите, како ментол-цигарите. И покрај тоа што имаше предлози за забрана на тенките цигари, тие сепак би требало и натаму да останат во продажба. Построго треба да се регулира и продажбата на електронските цигари со никотин. Во зависност од степенот на никотин во цигарите, за дел од нив ќе биде потребна дозвола каква што се издава за лековите.

За новите правила согласност треба да даде и Европскиот парламент. Тутунските концерни најавија дека ќе се борат против плановите за реформи и се заканија со тужби до највисоките судски инстанци.