ЕУ-Турција

Брисел ја повика новата влада на Турција под водство на премиерот Реџеп Таип Ердоан да опстои во политичките и економски реформи, како единствен пат за влез во ЕУ. Еврокомесарот за проширување Оли Рен ја повика Анкара да го реши трговскиот спор со Кипар, кој ги блокира преговорите. По јасната победа на неговата исламско-конзервативна партија на изборите, Реџеп Таип Ердоан изјави дека ќе опстои на неговиот реформски курс. Партијата на правда и развој освои 47 насто од гласовите со што во идниот парламентарен состав ќе има 430 од вкупно 550 пратенички места. Левичарската „Републиканската народна партија“ на опозицискиот лидер Денис Бајкал освои околу 21 процент.