1. Прескокни до содржината
  2. Прескокни до главната навигација
  3. Кон други страници на DW

Женева: Бараната компакт класа

Sime Nedevski9 март 2012

На саемот за автомобили во Женева, своите новитети ги претставуваат 260 производители и лиферанти. Многу возила тука се претставуваат за првпат, меѓу нив и новите модели од продажниот адут - компакт класата.

https://p.dw.com/p/14H1E
Фотографија: PALEXPO SA

На Меѓународниот саем на автомобили во Женева, германските производители на возила традиционално се многу застапени. Впечатливо на актуелниот 82. автосалон во швајцарскиот град (се одржува од 8. до 18. март) е дека под плаштот на високите цени на бензините автоконцерните не полагаат надежи само во големите скапи модели.

Целосно нова А- класа

Genfer Autosalon 2012
Новата А- класа на МерцедесФотографија: Daimler AG

Еден губитник влегува во продолжение. Освен името, новата А-класа на Мерцедес меѓутоа нема ништо заедничко со својот претходник. Концернот Дајмлер вложи милијарди во т.н компакт класа - досега без успех. За Мерцедес би биле важни големите бројки на производство во овој сегмент, зашто само така можат да се намалат трошоците.

„Што се однесува до волуменот тоа е многу важен сегмент и со оваа нова производна серија со пет различни модели на оваа платформа ние сме и во состојба да заработиме добри пари. Со тоа расте и релевантноста за овој сегмент“, вели Дитер Цече, претседател на Управниот одбор на Дајмлер.

Продолжено Чинквеченто

Под мото „без експерименти“ компанијата ќерка на Фолксваген - Ауди, го претставува најважниот модел за широка потрошувачка - А3. Значително полесен и поштедлив од неговиот претходник, тој повторно треба да обезбеди повисоки добивки. Тоа е можно и преку новата производствена техника и преку заедничкото купување во рамките на концернот. Додека продажните цени благо растат, трошоците на производство можеа да бидат намалени за речиси една третина.

Genfer Autosalon 2012
Новиот Фиат 500 ЛФотографија: Fiat Deutschland

За сензација се погрижи меѓутоа Фиат со продолжената верзија на моделот 500 (Чинквеченто). Таа треба да се надоврзе на продажните успеси на малото култно возило. Новиот модел е мини комби со пет врати.

Автор:Томас Нојфелд/Симе Недевски

Редактор. Елизабета Милошевска Фиданоска