Жестока дебата во Германија за Авганистан

Три дена по нападот врз германските војници во Авганистан, во Германија се засилува дебатата околу целокупната стратегија во оваа земја. Министерот за одбрана Франц Јозеф Јунг изјави дека не доаѓа в предвид повлекување на трупите чиј мандат треба да биде продолжен во октомври. Шефот на фракцијата на зелените, Рајнхард Бутикофер изјави дека акцентотв на мисијата треба да се стави на цивилната обнова. Левицата и пратеници на Социјалдемократите бараат повлекување на Бундесверот од Авганистан. Инаку доцна синоќа четворицата германски војници повредени при саботниот напад во авганистанскиот град Кундус се вратија во Германија. Тие се сместени во воената болница во градот Кобленц.