Заострени гранични контроли во Германија

Поради претстојниот самит на Г8 кој од 6 до 8 јуни се одржува во Германија, германските власти веќе воведоа позаострени контроли на сите гранични премини во земјата. Целта е да се спречи доаѓање на потенцијални насилни демонстранти, појасни портпарол на полицијата. САД дури и ги предупреди своите граѓани кои ќе патуваат во овој период во Германија да ги избегнуваат местата на кои ќе се собираат антиглобализациските демонстранти, бидејќи примерите од минатото покажуваат дека овие демонстрации може да прераснат и во насилство.