Запален Олимпискиот оган
10 мај 2012Олимпискиот оган гори - 78 дена пред отворањето на Летните олимписки игри во Лондон, тој денеска беше запален на руините од Олимпија во Грција. Жак Рог, претседателот на Меѓународниот олимписки комитет, присуствуваше на денешната церемонија, и притоа изјави: „Палењето на огнот на ова античко место е секогаш значаен момент за олимпиското движење.“
Олимпискиот оган во Велика Британија ќе пристигне на 18 мај. На патеката од 13.000 километри на островот, ќе го носат околу 8.000 луѓе. На рутата има 1019 места, со што 95 проценти до Британците добиваат можност да го видат факелот, пред тој да пристигне на Олимпискиот стадион во Лондон, на 27-ми јули.
Факелот од алуминиум прелиен со злато ќе биде транспортиран по земја, во вода и во воздух со бродови, коњи, железница, балони и моторцикли, Најстарата жена која ќе трча со факелот е 100-годишната Англичанка Дајна Гоулд.