За влез во ЕУ - регистрација и 5 евра

Во САД се вика ЕСТА, а во ЕУ би требало да се вика ЕТИАС - Европската комисија предлага систем на регистрирање на сите лица кои влегуваат во Унијата за таа да се заштити подобро од тероризам и илегално доселување.

Европската комисија денеска предложи воведување систем на регистрирање на сите оние кои во Шенгенскиот простор влегуваат без визи. Со ваквата мерка, ЕК реагира на бегалската криза и состојбата настаната по нападите во Франција, Белгија и Германија.

Онлајн-постапката би била слична на американскиот ЕСТА-систем. Во иднина во ЕТИАС би се внесувале податоци за идентитетот, документите за патување и местото на живеење на лицата кои доаѓаат во ЕУ. Тие информации ќе бидат споредувани со информациите на Интерпол и други служби на ЕУ, како Европол или Евродак (европска банка за податоци од меморирани отпечатоци од прсти, н.з.). Дел од членките на ЕУ, меѓу кои и Германија, бараат пристап до информациите од ЕТИАС да имаат и тајните служби.

Доколку некое барање биде одбиено, значи доколку биде оценето дека некое лице не може да влезе во ЕУ поради тоа што претставува безбедносен ризик или поради опасност во ЕУ да остане да престојува илегално, ќе има можност за поднесување жалба и тоа во Шенген-земјата каде што лицето сака да допатува. Податоците би требало да се меморираат за период од 5 години. Исполнувањето на барањето не би требало да трае повеќе од 10 минути, а за сите лица над 18 годишна возраст би чинело 5 евра.

Поставувањето на целиот систем „на нозе“ би требало да чини околу 220 милиони евра, а одржувањето на системот 85 милиони евра годишно.

За плановите на ЕК зелено светло би требало да дадат државите на ЕУ и Европскиот парламент. Во Шенгенскиот простор годишно без виза доаѓаат по околу 30 милиони луѓе. Обврската за виза не важи за граѓаните на повеќе од 50 земји во светот, најголемиот дел од Америка и Далечниот Исток.

Прописите на ЕУ: криви банани, разнолики сандачиња, ознаки на семафорите

Криви банани?

Според правилата на ЕУ, бананите кои се увезуваат во Унијата морада бидат долги најмалку 14 см и широки 2,7 см. Ти не смеат да бидат оштетени а ни целосно зрели, со што се гарантира свежината на овошјето. Тврдењата дека ЕУ има пропис и за дозволената закривеност на бананите, каков што до 2009. година важеше за краставиците, не е точно.

Прописите на ЕУ: криви банани, разнолики сандачиња, ознаки на семафорите

Медот како спроводник на струја

Знаеме оти мора да се чуваме од пчелите, ама за појадок да се размислува за тоа дали медот произведува струја е малку чудно. ЕУ има правило и за тоа. Таа спроводливост не смее да биде поголема од 0,8 микросименси на сантиметар. Всушност воопшто не е важно дали ќе не „протресе“ малку струја кога го ставаме лажичето во медот, туку ова правило служи за класификација на различните видови мед.

Прописите на ЕУ: криви банани, разнолики сандачиња, ознаки на семафорите

Еколошка светлина

Еден од најспорните прописи е секако забраната на „обичните“ светилки, за да се заштеди енергија. Но ни новите сијалици не се големи заштитници на природата: некои од нив содржат отровна жива, која треба многу внимателно да се отстрани во отпад. Згора на тоа на новите светилки им е потребно некое време за да засветат во полно светло.

Прописите на ЕУ: криви банани, разнолики сандачиња, ознаки на семафорите

Прописи за жичници- за секој случај

Германската покраина Шлезвиг Холштајн на брегот на Северното мора е „рамна како тепсија“. Највисокиот рид воцелата покраина е висок 168 метри. Па сепак и оваа покраина мораше да узвои закон за погонот на жичниците, бидејќи така сака ЕУ. За секој случај, ако некогаш некој посака да постави жичница таму тогаш барем прописите ќе бидат сосема јасни.

Прописите на ЕУ: криви банани, разнолики сандачиња, ознаки на семафорите

Каде одат кои отпадоци?

Пропис кој и недостасува на ЕУ. На пример, каква боја треба да биде кантата во која ќе се фрла старата хартија? Во Германија е сина ама во други земји може да биде поинаку. Некаде зелената канта е всушност сина, жолтата е црвена а во некои земји воопшто не се раздвојува сметот. Како тогаш граѓанинот на ЕУ да одлучи што да прави и како сметот да заврши таму каде му е местото?

Прописите на ЕУ: криви банани, разнолики сандачиња, ознаки на семафорите

„Луда железница“

Уште поголем хаос во ЕУ е при возењето со воз. На пример на релацијата од Талин до Лисабон. Покомпликувано не може да биде: на пат се тргнува по „советски пруги“, со растојание меѓу шините од 1,524 метри. Тоа растојание потоа низ Европа изнесува 1,435 метри сѐ до Шпанија каде изнесува дури 1,672 метри. А во Португалија растојанието меѓу шините е 7 милиметри помало.

Прописите на ЕУ: криви банани, разнолики сандачиња, ознаки на семафорите

Еден штекер за сите- само пуста желба

Додека промената на растојанието меѓу шините на националните железнички мрежи е гигантски издаток, во други работи очигледно станува збор за национална „гордост“. на пример, одамна постои стандард за т.н. евро-штекер за електрични апарати, Но ако одите во Велика Британија, Ирска,Малта или Кипар , сѐ уште ви е потребен дополнителен „адаптер“.

Прописите на ЕУ: криви банани, разнолики сандачиња, ознаки на семафорите

Сега ли е „зелено“?

И кај семафорите, сѐ едно дали се во Рим, Париз, Лондон, Варшава или Берлин,ознаката на семафорот која на пешаците им дозволува или забранува да преминат улица е различна. Во Германија поинаква е дури и на различни семафори во ист град, бидејќи по обединувањето на земјата сепак дозволен е и "Ampelmännchen" т.е. „семафорското човече“ од Германската Демократска Република.

Прописите на ЕУ: криви банани, разнолики сандачиња, ознаки на семафорите

И натаму различни сандачиња

Европска разноликост владее и кај поштенските сандачиња. Секоја земја има свој формат и големина на отворот на сандачето. ЕУ намерно не сакаше да воведе правила во таа област. И сите се среќни,бидејќи и поштенските сандачиња покажуваат дека Европа е обединета но и оти нејзиното богатство е токму во разноликоста на народите и државите. А никој не сака тоа да исчезне.

Прописите на ЕУ: криви банани, разнолики сандачиња, ознаки на семафорите

Половина килограм јајца?

Во 2010 година ЕУ објави предлог-пропис според кој цената на сите прехранбени производи треба да биде одредувана врз основа на тежината. Тоа значи при купување на 10 јајца, цената не би била на парче туку на килограм. Меѓутоа барем кај јајцата од кокошка тешко дека овој пропис на ЕУ некогаш може да заживее.


Следете нѐ