1. Прескокни до содржината
  2. Прескокни до главната навигација
  3. Кон други страници на DW

Израел и Египет со обид за деескалација

11 септември 2011

По нападот на египетските демонстранти врз израелската амбасада во Каиро, владите на обете земји се обидуваат да ја деескалираат напнатоста во меѓусебните односи.

https://p.dw.com/p/12WsC
Израелскиот премиер Бенјамин НетанјахуФотографија: picture alliance/dpa

Египетската влада најави сеопфатна истрага за индицентот и остри казни за сторителите, како и подобрена заштита за странските претставништва во иднина. Израелскиот премиер Бенјамин Нетанјаху пак, во обраќање до нацијата меѓу другото им се заблагодари на египестките специјалци за спасувањето на израелскиот дипломатски персонал од нападнатата амбасада. Во тешките безредија животот го загубија тројца демонстранти, додека повеќе од 1.000 беа повредени. Израелскиот амбасадор и останатите вработени во амбасадата, во меѓувреме, се вратија во Израел. Повод за бурните протести и нападот врз амбасадата беше ненамерното убиство на петмина египетски полицајци при операцијата на израелските сили за безбедност во пограничниот појас, кои гонеле милитантни исламисти.

Автор: ГЧ/дв

Редактор: Е. М. Фиданоска