1. Прескокни до содржината
  2. Прескокни до главната навигација
  3. Кон други страници на DW

Индустриските земји си оставија време за намалување на дефицитите

ЕМФ/дв6 ноември 2012

Со ветување дека ќе биде направено се‘ за здрав пораст на економијата во светот, во Мексико Сити заврши средбата на министрите за финансии на земјите членки на Групата 20.

https://p.dw.com/p/16dOw
Фотографија: Reuters

Министрите за финансии на земјите на Групата 20 изразија намера да се концентрираат врз „повторно воспоставување доверба и намалување на ризиците на финансиските пазари“, се вели во завршната декларација на водечките индустриски држави и земји во забрзан подем. Поради загриженост од застој на конјуктурата, индустриските држави имаат намера да си остават повеќе време за намалување на долговите.

Германскиот министер за финансии Волфганг Шојбле, наспроти тоа, ја повтори германската позиција дека без редуцирање на долговите не е можен одржлив развој. Тој, заедно со претседателот на Бундесбанката Јенс Вајдман, го поздрави фактот дека Русија, која инаку наредната година го презема претседавањето со Г20, сака да се заложи за реализација на намерата за преполовување на државните дефицити, изнесена на средбата на Г20 во Торонто.