1. Прескокни до содржината
  2. Прескокни до главната навигација
  3. Кон други страници на DW

И Британците го стегаат ременот

21 октомври 2010

Владата на Велика Британија планира значително да го намали буџетот во повеќе сектори, и да воведе строги мерки на штедење. Министерот за финансии Џорџ Озборн ги претстави деталите околу плановите за масивни кратења.

https://p.dw.com/p/Pjio
Министерот за финансии Озборн претстави мерки за штедењеФотографија: AP

Доаѓаат тешки времиња за британските граѓани. Речиси 500.000 работни места во јавниот сектор ќе бидат укинати. Најголемиот дел од предвидените кратења ќе бидат во социјалниот буџет. Исто така и министерствата во просек треба да работат со 25 отсто помалку пари отколку досега. Министерот за финансии Џорџ Озборн ги претстави деталите:

„Денес отстапуваме еден чекор од бездната, при што се соочуваме со резултатите од една деценија стагнација. Ќе претставува нов почеток доколку создадеме долгорочна основа за нашиот јавен сектор и социјалните услуги, со помош на еден четиригодишен план.“

Тоа е тежок пат, но води кон подобра иднина, вели Озборн.

Критичарите се сомневаат во тоа. Тие сметаат дека програмата за штедење повторно ќе ја повлече надолу и онака заслабнатата британска економија. Големи загуби ќе има пред се‘ секторот на градежништвото и на услужните дејности. До 2015 година уште 500.000 луѓе можеби ќе ја изгубат работата во приватниот сектор.

Автор: ЈМЈ/БГ/дв

Редактор: Жана Ацеска