Како ЕУ планира да ја исфрли пластиката за една употреба
Заради заштита на природната средина, од јули годинава во ЕУ ќе биде забранета пластика за една употреба, многу пластични нема да смеат веќе да се произведуваат. Ви ги претставуваме алтернативите за нив
Заштита на морските жители
Забраната треба да значи поштеда на ресурси, да ја растовари животната средина и пред сѐ да ги заштити морињата. Околу 80 % од отпадот во водите се состои од пластика, голем дел од онаа за една употреба. Бидејќи рибите и другите морски животни отпадоците често ги сметаат за храна и ги јадат, микропластиката стигнува и во човечката храна.
Што конкретно ќе биде забрането?
Чиниите за една употреба и приборот за јадење од пластика, пластичните држачи за балони, пластичните стапчиња за чистење уши и сламките за пиење течност од јули во ЕУ веќе не смеат да се произведуваат. Тоа важи и за чаши од стиропор и продукти од пластични супстанции како полиетилен, полистирол и полиетилентерефталат, кои се разградуваат на ситни честички, но не се биолошки разградливи.
Остатокот од пластиката останува во употреба
Со новиот закон не се забранети сите пластични материјали. Можат да продолжат да се продаваат пластични кеси за купување од одредени материјали, како и амбалажа за производи за исхрана. Остануваат дозволени и пластичните кутии за домаќинство, како и други продукти од цврста пластика.
Алтернативи за пластичен прибор за јадење
Одржливи алтернативи за пластичниот прибор за јадење за една употреба постојат, на пример од дрво или ПЛА, вештачки материјал од пченка и смола. Уште поеколошки е на излет едноставно да се земе приборот за јадење од кујната. Посебно практични се комбинации од лажица, нож и вилушка, кои се погодни за носење во сите прилики.
Бамбус, хартија или трици како чинија
Кога обичните чиниии се тешки за носење на излет - како би било со рециклирачки садови од тврда пластика или метал, тие барем и не се кршат лесно. Чинии со можност за компостирање како овие од трици можат дури и да се јадат. Или чинии за една употреба од хартија, шеќерна трска, тие не се комплетно еколошки, но за животната средина се подобри од пластика за една употреба.
Решение за чепкалките за уши
Пластичниот дел во стапчињата за чистење уши исто така може да се замени со хартија или бамбус. Уште подобри се т.н. орикули, произведени од бамбус или други материјали. Тие се со долготрајна употреба и помагаат во редуцирање на отпад и штедење ресурси.
Наздравување со хранливи сламки за пиење?
Сламките за пиење за една употреба од пластика можат да бидат заменети со оние од бамбус или хартија. Уште поеколошка варијанта се оние произведени од метал или стакло. Но, сѐ поомилени се и сламките за пиење кои истовремено можат и да се јадат, на пример од пресирани лушпи од јаболка или жито. Да се пие директно од чашата се разбира е најдобро.
Садови со плаќање кауција наместо амбалажа за фрлање
И амбалажата за еднократна употреба и чаши и садови од стиропор во иднина ќе се забранат. Многу ресторани во меѓувреме воведуваат системи за плаќање кауција за садовите во кои се пакува храната за земање: кога тие ќе се вратат, се добиваат задржаните пари и садовите можат повторно да се употребат. Или пак се носат садови од дома и во нив се зема храна од ресторан.
Пластиката за една употреба е само почеток
ЕУ планира во следните години да заштеди уште повеќе на пластика, до 2029 година 90% од сите пластични шишиња ќе се собираат одделно и ќе се рециклираат. Уште во 2025 година една четвртина од пластичните шишиња ќе бидат од рециклирачки материјал, со тенденција за пораст. Во иднина производителите ќе ги сносат трошоците за екологија и намалениот улов на риби поради пластичниот отпад во морињата.