Киднаперите се предадоа

Драмата со грабнатиот турски авион заврши без насилство. Двајцата киднапери, еден Турчин и еден Сириец се предале и биле уапсени на аеродромот во Анталија. Тие го грабнаа авионот на компанијата „Атлас-џет„ со повеќе од 140 патници на летот од Северен Кипар кон Истанбул. Дел од патниците по спуштањето во Анталија биле пуштени, други избегале од другиот излез на авионот. Патниците велат дека киднаперите тврделе оти се припадници на Ал Каеда и барале да заминат во Иран или Сирија.