Кина не сака слеп раст

Националниот конгрес започна како и обично,со тапани и фанфари.На почетокот на 10 годишно заседание на Парламентот премиерот Вен Џиабао најпрво ги пофали напредоците на земјата, за потоа да стигне до точките каде е потребно подобрување.Кина последните месеци беше на удар на меѓународната критика како најголем свестки загадувач на природната средина.Затоа премиерот Вен Џиабао на темата и даде врвен приоритет:

„Во оваа година треба да постигнеме заштеда на енергијата,намалување на нејзината потрошувачка,промени во стопанисувањето од аспект на екологијата. Постојните претпријатија,кои и покрај санирањето сеуште не одговараат на нормите, треба во согласност со законот да бидат затворени.“

Тоа пред се ќе ги погоди старите и исцрпени државни фабрики од тешката индустрија и небројани често приватни мали работилници. Двата типа претпријатија не се приспособени на модерната еколошка техника.

Треба да и биде ставен крај и на се попроширената корупција,побара премиерот Вен Џиабао: „Постојат проблеми во функционирањето на владата.Предничат екстраваганцијата и расипништвото. Во некои служби се забележуваат бирократизам,формализам, отуѓување од масите. Некои службеници примаат поткуп. Мораме да преземеме мерки и ефикасно да ги решиме овие проблеми. Нема да ги изневериме очекувањата на народот“,вети Џиабао, за што доби аплауз.

Тема и овојпат беа огромните разлики меѓу сиромашните и богатите, како и проблемните на околу 800 милиони селани кои живеат на раб на егзистенција. Премиерот најави за нив подобрување во здравственото осигурување и подобрување во пристапот кон образованието и пазарот на работна сила.

Вен Џиабао би сакал да избегне и слеп енормен економски растеж: „Тежиштето мора да биде на развој на услужните дејности и подигнување на нивото на индустријата. Мора да бидат подобрени логистиката, финансиите, компјутерската мрежа, туризмот и управните служби. Итен проблем е како нашата економија да ја промениме од голема во силна.“

Притоа Џиабао се заложи и за јакнење на приватните фирми и заштита на приватната сопственост, но нагласи дека не се доведени во прашања комунистичките принципи.