Класика на „Вембли„: Англија - Германија

Одамна минаа времињата кога лулката на фудбалот Англија ја испраќаше репрезентацијата на Германија со полна мрежа голови. На пример, во првиот натрпевар на во Берлин на 20-ти април 1908 година со 5 спрема 1 и во реваншот во Оксфорд на 16 март 1909 со 9 спрема 0. Вечер на новиот „Вембли„ нов дуел за престиж. Последниот на стариот терен го добија Гермаците со 1 спрема 0.

Германските 11 се враќаат во „Катедралата на фудбалот„. Со старата арена ги поврзуваат добри и лоши спомени. До денес остана спорен познатиот англиски „Вембли гол„ на Џефри Харст од финалето на Светското првенство во 1966 година, кога домаќинот за прв и последен пат стана светски првак. Германија пак, беше последната репрезентација што ја совлада Англија на стариот „Вембли„. Дитер Хаман го постигна единствениот гол на 7 октомври 2000-дитата. Една година подоцна, арената беше урната. По шест години градење и милијарда ипол евра трошоци, се роди новиот „Вембли„. На трибините вечер ќе се случи и вистински „самит„ меѓу британскиот премиер Гордон Браун и германската канцеларка Ангела Меркел, кои претходно ќе разговараат за важни меѓународни теми.

За германскиот сојузен тренер Јоахим Лев, натпреварот против Англија е важен тест пред следните игри во квалификациите за Европското првенство во наредната година:

„Така да се каже, битка за престиж. Англија е посебен противник. Може многу да се научи, а во таков натрпевар да се засили и самодовербата, потребна за наредните задачи„.

Исто како и Лев, така и Англичаните можат да понудат само Бе-екипа, поради големиот број повредени од првиот сотав. Тренерот Стив Мекларен сепак, ќе може да смета на големата ѕвезда Дејвид Бекам кој допатува од Њујорк и ќе настапи од почетокот. Мекларен образложува:

„Тој е назад во екипата поради неговите постигнувања. И ќе игра. Тоа е тоа„.