Клима – извештај

Испуштањето издувни гасови во атмосферата мора да биде стабилизирано најдоцна до 2015 година за да можат да се избегнат најлошите последици по климата, проценуваат ОН. Во третиот дел на Извештајот на ОН за климата, објавен претпладнево во Банкок, се вели дека испуштањето јаглерод-диоксид во воздухот до 2015 година не смее да се зголемува, а до 2050 година треба да се намали за 50%. Германската канцеларка Ангела Меркел го поздрави извештајот кој според неа е потврда на курсот на сојузната влада кон ова прашање. Владата во Берлин смета дека извештајот покажува дека заштитата на климата е економски поднослива.