Клинсман го соопшти составот за светското првенство

23-ца играчи, 23 надежи на Германија за успех на светското фудбалско првенство:

На голот – Јенс Леман, Оливер Кан, Тимо Хилдебранд

Во одбраната – Пер Мертезакер, Марсел Јансен, Филип Лам, Арне Фридрих, Јенс Новотни, Кристоф Мецелдер, Роберт Хут

Во средината – Михаел Балак, Бастијан Швајнштајгер,Бернд Шнајдер,Торстен Фрингс, Тим Боровски, Себастијан Кел, Томас Хицлшпергер

Напад – Мирослав Клозе, Лукас Подолски,Оливер Нојвил, Гералд Азамоа, Мајк Ханке, Давид Одонкор

Ако некој има талент да понуди штоф за дискусии, тоа сигурно е шефот на тимот Јирген Клинсман. Тој во составот како шести напаѓач го номинира Давид Одонкор, човекот што доаѓа од Борусија Дортмунд и кој досега не одиграл ниту еден репрезентативен натпревар. Клинсман вели дека Одонкор е огромен талент и дека досега не го повикал во тимот за да не го става под притисок и да не го оптоварува во развојот. Самиот Одонкор, со што друго ако не со воодушевување: “Се радувам многу. Ова е за мене голема чест.“

За Одонкор да игра, дома ќе мора да остане на пример Кевин Курани од Шалке 04. Кон изненадувањата припаѓаат и поканите на Клинсман за Мајк Ханке, Томас Хицлшпергер, Јенс Новотни и Оливер Нојвил. Покрај Курани, изоставени се имињата Фабијан Ернст и Патрик Овомојела. Клинсман е убеден дека ги номинирал вистинските за светското првенство, за Германија по четврти пат да стане светски шампион. “Титулата е наша цел и наш сон. Ние и веруваме на оваа екипа“, рече селекторото денеска на прес конференција во Берлин.

Претседателот на германскиот фудбалски сојуз, Герхард Мајер Форфелдер, исто така е уверен дека тимот ќе ги оправда очекувањата. Што доколку не се случи посакуваното? Претседателот на организациониот комитет на светското првенство, Франц Бекенбауер, завчера без влакна на јазикот, за Клинсман констатираше:

“Ако тој со екипата испадне прерано од првенството, со постигнување кое е разочарувачко, што се разбира никој не го посакува, тогаш нема веќе да биде соодветен за функцијата.“