Косово – преговарачка тројка

Преговарачката тројка на Контакт групата денеска попладне во Приштина треба да води разговори со највиските претставници на косовските Албанци, УНМИК и КФОР околу идниот статус на Косово. Тројката што ја сочинуваат претставниците на ЕУ, САД и Русија, Волфганг Ишингер, Френк Визнер и Александар Боцан Харченко, во недела ќе има средба и со претставници на косовските Срби. Тројката во Приштина доаѓа по посетата на Белград, вчера попладне, каде меѓународните преговарачи дадоа уверување дека ќе направат се‘ за да се пронајде решение за идниот статус на Косово, кое ќе биде прифатливо за сите страни.