Коѕијас: не ни треба гнил компромис
11 април 2018
„Мислам дека клучот за ова прашање е реализмот, прагматизмот и разбирањето дека мораме да направиме компромис, но не гнил компромис, како што јас велам, туку вид на компромис од кој двете страни ќе добијат нешто“, изјави Коѕијас во Белград. Грчкиот министер вечерва пристигнува во Охрид каде ќе одржи нова рунда разговори со домаќинот, шефот на македонската дипломатија Никола Димитров.
Пред новинарите во Белград, Коѕијас уште еднаш објаснуваше како тој го разбира компромисот во спорот за името.
„Компромис значи дека обете страни треба да разберат дека не можат да добијат сѐ, и дека обете страни треба да имаат корист. Се надевам дека двете страни во преговорите ќе го сфатат тоа и дека ќе имаме позитивни резултати“.
Српскиот министер Дачиќ на прес-конференцијата рече дека се надева оти двете земји ќе најдат заедничко решение за спорот, и оцени дека најдобриот начин за тоа е преку директни преговори.
Целата изјава на Коѕијас погледнете ја во видеото: