Кој е виновен за ОКТА?

Опозициониот Социјалдемократски сојуз бара посебна седница на македонскиот парламент на која би се расправало за утврдување на одговорноста за случајот. Либерално –демократската партија обвинува дека премиерот Груевски кога бил министер за трговија потпишал писмо за ОКТА врз основа на кое е донесена неповолната пресуда на судот во Париз, а Груевски вели дека не потпишал никаков анекс-договор. Владата најави дека за случајот со рафинеријата ќе одговараат сите што се вмешани. Случајот ОКТА, по одлуката на судот во Париз дека македонската влада треба да и‘ исплати на грчката компанија Хеленик петролеум над 53 милиони американски долари плус камати, поради тоа што не се држела до договорот се‘ повеќе се вплеткува.