Македонија – интелектуална сопственост
2 мај 2007Реклама
Македонската влада и Светската организација за интелектуална сопственост потпишаа меморандум за разбирање со кој треба да се даде поддршка на градењето и јакнењето на системот на заштита на правата на интелектуална сопственост. Заштитата на интелектуалната сопственост е основа за сигурен развој на државата, оцени македонскиот министер за надворешни работи, Антонио Милошоски. Според директорот на Светската организација за интелектуална сопственост, Камил Идриз, меморандумот ќе и‘ помогне на Македонија да го подобри производството и неговата конкурентност.