1. Прескокни до содржината
  2. Прескокни до главната навигација
  3. Кон други страници на DW

Македонија- регионален центар на „Лукоил“

СН/миа22 јуни 2012

Македонскиот премиер Никола Груевски ја оцени како успешна повеќедневната посета на Русија, во чии рамки се сретна со претседателот Путин и пред околу 230 компании ги презентира можностите за инвестирање во Македонија.

https://p.dw.com/p/15Jt8
Фотографија: dapd

Македонија ќе биде регионален центар на Лукоил, изјави денеска премиерот Никола Груевски во Санкт Петербург.

Според него, од регионалниот центар на „Лукоил“ во државава нафтената компанија би ги покривала и Бугарија, Албанија, Косово, што, истакнува,е добра вест за Македонија.

„Тоа веројатно ќе го зголеми и бројот на вработени во седиштето на „Лукоил“ во Македонија“, посочи Груевски по посетата на Русија на владината делегација.

Македонскиот премиер во Санкт Петербург имаше средба со Вагит Алекперов, директор на руската компанија „Лукоил“, при што руската нафтена компанија ги претставила плановите да ја зголеми инвестицијата во Македонија.

Македонија се приклучува кон „Јужен поток“

Премиерот Груевски инаку ја оцени како успешна повеќедневната посета на Руската Федеарција, во рамки на која се сретна со рускиот претседател Владимир Путин ипосети четири области каде пред претставници на повеќе од 230 компании ги презентира можностите за инвестирање во Македонија.

äsident Wladimir Putin und mazedonischer Ministerpräsident Nikola Gruevski Russland Mazedonien Sankt Petersburg
Фотографија: MIA

Претходно беше објавено дека Алексеј Милер генерален рускиот енергетски концерн „Газпром“ го известил премиерот Груевски дека компанијата има подготвено нацрт договор за приклучување на Македонија кон проектот „Јужен поток“. Во текот на следниот месец преку руското министерство за енергетика ќе биде доставен на разгледување во руската по што ќе биде предаден за потпишување.

На средбата двајцата соговорници изразија задоволство од досегашната соработкаиподготвеност и заложба за интензивирање и динамизирање на процесот за приклучување на Македонија во овој проект кој претставува еден од најзначајните гасоводни коридори во Европа.

Заеднички е констатирано дека вклучувањето на Македонија во проектот „Јужен поток“ е од корист и интерес за граѓаните и компаниите во Македонија и за ширење на пазарот на руската компанија.