Мандатот на ИСАФ продолжен за една година

Советот за Безбедност на ОН го продолжи за една година мандатот на меѓународните трупи ИСАФ во Авганистан. Резолуцијата ја поддржаа, 14 од 15-те членки на највисокиот гремиум. Русија беше воздржана. И во германскиот Бундестаг денеска имаше советување по вчерашната одлука на владата за едногодишно продолжување на мандатот на германските војници во ИСАФ и специјалните авиони од типот торнадо во Авганистан. Министрите за надворешни и одбрана, Франк Валтер Штајнмаер и Франц Јозеф Јунг побараа поддршка од парламентот. Опозицијата е поделена по однос на прашањето за продолжување на мандатите. Гласањето за одлуката во Бундестагот е планирано за 12 октомври.