Марти: во Европа постоеле тајни затвори на ЦИА

НАТО и САД имале таен договор за затвори на ЦИА во Европа, се тврди во денеска објавениот извештај на Советот на Европа. Известителот Дик Марти тврди дека договорот бил постигнат уште во 2001 година. Во најновиот документ стои дека тајните затвори на ЦИА постоеле во Полска и Романија каде во периодот од 2003 до 2005 година се носеле осомничени лица за тероризам, како и дека претседателите на двете држави дале согласност за ваквите тајни активности. Марти ја обвинува и Македонија дека лаже и не ја прифаќа одговорноста за случајот Ел Масри.