Мајка Тереза: Граѓанката на светот од Балканот

Мајка Тереза е родена во центарот на Скопје. Нејзината родна куќа е разурната во земјотресот во 1963 година. На ова место денес има спомен плоча. „Светот не е гладен само за леб, туку и за љубов.“

Спомен куќата за Мајка Тереза се наоѓа на местото каде што пред земјотресот во Скопје стоела католичката црква, каде била крстена големата мисионерка. Во музејот има објекти од животот на Мајка Тереза во Скопје и реликвии од нејзиниот подоцнежен живот.

Пред спомен куќата во центарот на Скопје, е поставен споменикот на Мајка Тереза. Таа е претставена со склопени раце и карактеристичната облека за нејзниот ред. Редот Сестри на Милосрдието е активен ширум светот, а неколку сестри има и во Скопје.

Животниот пат на Мајка Тереза почна во Скопје, а заврши во Калкута. Патот кој денес го носи нејзиното име треба да биде поврзница на Македонија со Албанија на исток и Бугарија на запад. Коридорот осум, кој го носи името „Мајка Тереза“ е сѐ уште во изградба. До 2018 година, според најавите, треба да биде завршен делот Кичево-Охрид.

Во 2003 година аеродромот во Тирана го доби името „Мајка Тереза“. Тоа е единствениот меѓународен аеродром во Албанија.

Во 2010 година во Приштина беше осветена катедралата „Мајка Тереза“. Катедралата се градеше седум години. Католици на Косово има малку: само околу 5 проценти од населението е со католичка вера.

Во оваа куќа во Тирана, во периодот од 1930 до 1946 година, живееле мајката и сестрата на Мајка Тереза. Мисионерката за време на својата прва посета на Албанија, во 1989 година, ја посети и оваа куќа на улицата „Хајдар Хиди“.