1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Медијаторот Нимиц во Атина

Горан Момировски 5 декември 2007

Медијаторот во грчко македонскиот спор со името, Нимиц денеска е во Атина. Од премиерот Караманлис и министерката за надворешни Бакојани сака да го чуе ставот на грчката влада за неговата последна предлог рамка.

https://p.dw.com/p/CXHi
Медијаторот Нимиц, по Скопје денеска е во АтинаФотографија: Macedonian Information Agency

Посредникот во преговорите за решавање на спорот со името меѓу Македонија и Грција Метју Нимиц денеска во Атина треба да го слушне ставот на грчкиот премиер Костас Караманлис и на шефицата на грчката дипломатија Дора Бакојани за Нацрт рамката за изнаоѓање решение за разликите за името што тој ја предложи на почетокот на ноември.

Нимиц пред два дена во Скопје ги слушна аргументите на македонската страна за отфрлање на делот од Нацрт рамката која сугерира име за меѓународна употреба различно од уставното.