Меркел е за забрана на бурката „секаде каде што е тоа можно“

Бегалската политика предизвикува поделби во владејачката ЦДУ. Оттука, големи беа очекувањата од говорот на Меркел на денешниот конгрес на партијата. Таа ја брани својата политика, но вели дека 2015. не смее да се повтори

Бегалската политика е исклучително контроверзна тема во Христијанско-деморкатската унија (ЦДУ). На една страна е лидерката Ангела Меркел со својот либерален курс,а на другата страна се сѐ повеќе нејзини партиски колеги. Ваквата атмосфера се отсликува и во документот со насоки кој треба да биде усвоен на денешниот конгрес на партијата во Есен. Затоа, очекувањата од денешниот говор на Меркел на конгресот беа големи. А, таа со прашањето се зафати веднаш на почетокот на својот говор: состојби како во 2015-та, кога бегалската криза доживеа врв, „не може, не смее и не треба да се повтори“, рече Меркел. Меѓутоа, Меркел истовремено подвлече и дека луѓето на кои им е неопходна заштита, мора да бидат заштитени. Ќе се проверува секој одделен случај, секој поединец, нагласи лидерката на ЦДУ.

Справувањето со бегалската криза во 2015. е извонредно постигање и ја прикажува Германија од нејзината најдобра страна, рече Меркел. Таа додаде дека 2016 година е пополна со предизвици од 2015-та: „Светот е во состојба во која е неопходно да се пресортира“, оцени таа и додаде дека таквата состојба во светот ги прави луѓето несигурни. Светот би морал заеднички да ги решава проблемите и кризите, а наместо тоа тој е разединет, потенцираше канцеларката.

Во однос на ситуацијата во Сирија Меркел подвлече дека „она што се случува во Алепо е срамота“. Несфатливо е што илјаднци луѓе на улиците протестираат против договорот за слободна трговија, а убиствата во Алепо не предизвикуваат речиси никакви протести. „Нешто со политичките ориентири не е во ред“, рече Меркел проследена со громогласен аплауз од присутните.

Ангела Меркел, незаменливата

Првата заклетва

„Сакам да и служам на Германија“ беше ветувањето на Меркел за време на кампањата за канцелар на земјата. По тесната победа, на 22 ноември 2005 година Меркел даде заклетва и стана првата жена канцелар, но и првиот шеф на влада кој доаѓа од Источна Германија. Таа застана на чело на широка коалиција составена од ЦДУ и СПД.

Ангела Меркел, незаменливата

Кој се плаши од кутрето на Путин?

На дипломатскиот фронт, Меркел мораше да се соочи со моќен противник. Таа е позната поради својата сталоженост и смиреност. Но, Владимир Путин очигледно сакаше да го стави на тест нејзиното трпение за време на приемот во 2007 година. Тој набрзо ја најде нејзината слабост: Меркел се плаши од кучиња.

Ангела Меркел, незаменливата

Фонд за црни денови

Меркел вообичаено е смирена што и помогна за време на кризите. Колабирањето на финансиските пазари во 2008 година предизвика проблеми за германската економија. Поради тоа, Меркел презеде акција. Таа беше инволвирана во планирањето на фондовите за спас на еврозоната. На крајот, германската економија се извлече речиси без последици, но мерките за штедење најмногу ги почувствуваа Грците и Шпанците.

Ангела Меркел, незаменливата

Втор мандат

Иако резултатот на ЦДУ/ЦСУ на парламентарните избори во 2009 година беше вториот најслаб резултат за партијата во повоениот период, тоа сепак беше победа за Меркел. По широката коалиција со социјалдемократите во претходниот мандат, овој пат Меркел можеше да состави влада со посакуваниот партнер - про бизнис либералите од ФПД.

Ангела Меркел, незаменливата

Брзо исклучување

Иако по професија е физичар, инцидентот во Фукушима во 2011 година ја претвори Меркел од поддржувач - во силен противник на нуклеарната енергија. Веќе одобрените планови за продолжување на работниот век на германските нуклеарни централи беа откажани и спротивно на нејзините предизборни заложби, Германија наскоро го сопре производството на нуклеарна енергија.

Ангела Меркел, незаменливата

„Првиот маж“ на Германија

Дали некој го препознава? Го чул неговиот глас? За време на десетгодишното владеење на Меркел, нејзиниот сопруг Јоахим Зауер, остана незабележан. Професорот по хемија на универзитот Хумболдт во Берлин стапи во брак со Меркел во 1998 година. Тој секогаш останува во позадината кога неговата сопруга е во официјални посети, но во нивниот приватен живот се чини дека е обратно.

Ангела Меркел, незаменливата

Пријателство ставено на тест

Објавувањето на информациите дека блискиот сојузник САД ги пресретнува телефонските разговори на врвните германски политичари отвори голема афера пред меѓународната јавност. Ниту мобилниот телефон на Меркел не бил безбеден од тајните служби на САД. Аферата предизвика проблеми во домашната и меѓународната политика на Меркел.

Ангела Меркел, незаменливата

Грчкиот пациент

Меркел има обожаватели низ целиот свет, но во Грција нивниот број е значително помал. На ниту едно друго место во светот Меркел не била толку демонизирана како што беше во Грција за време на должничката криза во еврозоната. Старите анимозитети беа повторно нагласени по барањата на канцеларката за штедење, економски реформи и кратење на трошењата од властите во Атина.

Ангела Меркел, незаменливата

Емотивна, барем еднаш

Иако е воздржана и позната по минималните гестови и изрази на лицето, Меркел не можеше да се воздржи за време на финалето на Светското првенство во фудбал во Рио кога заедно со германскиот претседател го бодреа националниот тим. Во тој период Меркел беше на врвот на својата популарност, исто како и германската репрезентација, со која заедно влијаеа на градењето на меѓународниот имиџ на Германија.

Ангела Меркел, незаменливата

Ние можеме да го направиме тоа, зарем не?

Кога стотици илјади бегалци пристигнаа во Германија канцеларката изјави дека законот за азил нема лимит. „Ние можеме да го направиме тоа!“ беше мотото на Меркел за време на бегалската криза. Таа тврдеше дека има план. Но, во меѓувреме многумина Германци се прашуваат дали навистина „можеме да го направиме тоа?“

Ангела Меркел, незаменливата

Што е следно?

По терористичките напади во Париз на 13 ноември минатата година Франција објави вонредна состојба. Ангела Меркел на соседите им понуди „целосна поддршка“. Сепак, стравот од тероризам беше сеприсутен. Без сомнеж, Меркел беше соочена со најголемиот предизвик во нејзиното владеење токму на десетгодишнината од нејзиното стапување на функцијата...

Ангела Меркел, незаменливата

Критични сојузници

На партискиот конгрес на ЦСУ во ноември 2015 година канцеларката беше критикувана од баварските сојузници. Хорст Зехофер ја обвини Меркел дека загубила контрола над границите со нејзината политика кон бегалците. Тоа беше понижување кое мораше да го истрпи стоејќи без можност да возврати на обвинувањата.

Ангела Меркел, незаменливата

Зарем не може да остане подолго?

Меркел би сакала трет мандат за Барак Обама, иако скандалот со прислушувањето од страна на НСА беше причина за резервираност од нејзина страна. Сепак, Обама ја напушта политичката сцена и му го отстапува местото на Доналд Трамп. Весникот „Њујорк Тајмс“ ја нарече Меркел „последниот чувар на либералниот Запад“.

Канцеларката и шефица на ЦДУ се изјасни и за делумна забрана на целосно покривање на жените во Германија. Дел од „меѓучовечката комуникација“ овде е „да го покажеме лицето“, аргументираше Меркел. „Затоа целосното покривање кај нас не е соодветно. Треба да биде забрането онаму каде што е тоа можно“, додаде таа. Околу илјада делегати ги пзоодравија нејзините зборови со аплауз. ЦДУ бара забрана на бурката при полициски контроли, пред суд и во сообраќајот.

Меркел во својот говор на конгресот на ЦДУ се заложи и за регулација на финансиските пазари. Таа „мора да биде многу посеквентна отколку досега“. И меѓународните концерни мора да си го плаќаат данокот, тоа луѓето го очекуваат од политиката. Наместо тоа, владее несигурност „дали светот си ги научи лекциите“, што пак води до тоа луѓето да ѝ завртат грб на политиката, оцени Ангела Меркел.

Лидерката на ЦДУ денеска по деветти пат е реизбрана за шеф на ЦДУ, со 89,5% од гласовите на делегатите.Таа речиси 17 години е на чело на демохристијаните и најави дека уште еднаш ќе се кандидира за претстојните парламентарни избори за функцијата канцелар. Најдобриот разулат при гласањето за шеф на ЦДУ Меркел го постигна во 2012 година, кога доби 97,9 проценти од гласовите на делегатите. 

Следете нѐ