Може ли муслиман да биде германски канцелар?

Партијата на Ангела Меркел е разбранувана откако се отвори дебата дали муслиман може еден ден да биде лидер на ЦДУ и да стане канцелар. Пратеници и функционери влегоа во жестока пресметка.

Шефот на парламентарната група на конзервативната Христијанско-демократска Унија (ЦДУ) предизвика остра дебата откако изјави дека муслиман би можел да биде иден лидер на ЦДУ, и канцелар на Германија.

Прашан од порталот Идеа, дали муслиман би можел да биде избран за партиски лидер и да стане канцелар во 2030 година, Ралф Бринкхаус одговори потврдно. „Зошто да не, доколку е добар политичар, и ги претставува нашите вредности и политички погледи“.

Интервјуто е објавено во февруари, но потресот се случи откако беше реобјавено од „Билд“ - најтиражниот германски таблоид - во средата.

Шок во ЦДУ

„Господе Боже, не ми се верува дека Ралф Бринкхаус изјавил нешто такво“, изјави за „Билд“, Винсент Кокерт, првиот човек на ЦДУ во покраината Мекленбург. „Не, не ми се верува“.

И Елизабет Мочман, член на извршниот одбор на ЦДУ, ги отфрли ставовите на Бринкхаус дека исламот е компатибилен со вредностите на нејзината партија.

„Вредностите на исламот се различни од нашите вредности - на пример, кога се работи за еднаквите права на мажите и жените“, изјави таа.

Бринкхаус изјави за Идеа дека вредностите на луѓето се поважни од нивната религија кога се одлучува за нивните лидерски квалитети. „ЦДУ не е верска заедница - тоа нѐ разликува од Католичката црква“, вели тој.

Но некои пратеници сметаат дека и името на партијата треба да се земе предвид. „Буквата Х (на германски C од CDU) во партиското име не е избрана случајно“, потсетува пратеникот Еберхард Гингер за „Билд“. Тој ја отфрла помислата дека муслиман некогаш може да стане германски канцелар, без разлика од која партија доаѓа.

„Да имаме муслиман канцелар би претпоставувало дека муслиманите се мнозинство во Германија. Тоа не е случај“, вели тој.

Ангела Меркел, незаменливата

Првата заклетва

„Сакам да и служам на Германија“ беше ветувањето на Меркел за време на кампањата за канцелар на земјата. По тесната победа, на 22 ноември 2005 година Меркел даде заклетва и стана првата жена канцелар, но и првиот шеф на влада кој доаѓа од Источна Германија. Таа застана на чело на широка коалиција составена од ЦДУ и СПД.

Ангела Меркел, незаменливата

Кој се плаши од кутрето на Путин?

На дипломатскиот фронт, Меркел мораше да се соочи со моќен противник. Таа е позната поради својата сталоженост и смиреност. Но, Владимир Путин очигледно сакаше да го стави на тест нејзиното трпение за време на приемот во 2007 година. Тој набрзо ја најде нејзината слабост: Меркел се плаши од кучиња.

Ангела Меркел, незаменливата

Фонд за црни денови

Меркел вообичаено е смирена што и помогна за време на кризите. Колабирањето на финансиските пазари во 2008 година предизвика проблеми за германската економија. Поради тоа, Меркел презеде акција. Таа беше инволвирана во планирањето на фондовите за спас на еврозоната. На крајот, германската економија се извлече речиси без последици, но мерките за штедење најмногу ги почувствуваа Грците и Шпанците.

Ангела Меркел, незаменливата

Втор мандат

Иако резултатот на ЦДУ/ЦСУ на парламентарните избори во 2009 година беше вториот најслаб резултат за партијата во повоениот период, тоа сепак беше победа за Меркел. По широката коалиција со социјалдемократите во претходниот мандат, овој пат Меркел можеше да состави влада со посакуваниот партнер - про бизнис либералите од ФПД.

Ангела Меркел, незаменливата

Брзо исклучување

Иако по професија е физичар, инцидентот во Фукушима во 2011 година ја претвори Меркел од поддржувач - во силен противник на нуклеарната енергија. Веќе одобрените планови за продолжување на работниот век на германските нуклеарни централи беа откажани и спротивно на нејзините предизборни заложби, Германија наскоро го сопре производството на нуклеарна енергија.

Ангела Меркел, незаменливата

„Првиот маж“ на Германија

Дали некој го препознава? Го чул неговиот глас? За време на десетгодишното владеење на Меркел, нејзиниот сопруг Јоахим Зауер, остана незабележан. Професорот по хемија на универзитот Хумболдт во Берлин стапи во брак со Меркел во 1998 година. Тој секогаш останува во позадината кога неговата сопруга е во официјални посети, но во нивниот приватен живот се чини дека е обратно.

Ангела Меркел, незаменливата

Пријателство ставено на тест

Објавувањето на информациите дека блискиот сојузник САД ги пресретнува телефонските разговори на врвните германски политичари отвори голема афера пред меѓународната јавност. Ниту мобилниот телефон на Меркел не бил безбеден од тајните служби на САД. Аферата предизвика проблеми во домашната и меѓународната политика на Меркел.

Ангела Меркел, незаменливата

Грчкиот пациент

Меркел има обожаватели низ целиот свет, но во Грција нивниот број е значително помал. На ниту едно друго место во светот Меркел не била толку демонизирана како што беше во Грција за време на должничката криза во еврозоната. Старите анимозитети беа повторно нагласени по барањата на канцеларката за штедење, економски реформи и кратење на трошењата од властите во Атина.

Ангела Меркел, незаменливата

Емотивна, барем еднаш

Иако е воздржана и позната по минималните гестови и изрази на лицето, Меркел не можеше да се воздржи за време на финалето на Светското првенство во фудбал во Рио кога заедно со германскиот претседател го бодреа националниот тим. Во тој период Меркел беше на врвот на својата популарност, исто како и германската репрезентација, со која заедно влијаеа на градењето на меѓународниот имиџ на Германија.

Ангела Меркел, незаменливата

Ние можеме да го направиме тоа, зарем не?

Кога стотици илјади бегалци пристигнаа во Германија канцеларката изјави дека законот за азил нема лимит. „Ние можеме да го направиме тоа!“ беше мотото на Меркел за време на бегалската криза. Таа тврдеше дека има план. Но, во меѓувреме многумина Германци се прашуваат дали навистина „можеме да го направиме тоа?“

Ангела Меркел, незаменливата

Што е следно?

По терористичките напади во Париз на 13 ноември минатата година Франција објави вонредна состојба. Ангела Меркел на соседите им понуди „целосна поддршка“. Сепак, стравот од тероризам беше сеприсутен. Без сомнеж, Меркел беше соочена со најголемиот предизвик во нејзиното владеење токму на десетгодишнината од нејзиното стапување на функцијата...

Ангела Меркел, незаменливата

Критични сојузници

На партискиот конгрес на ЦСУ во ноември 2015 година канцеларката беше критикувана од баварските сојузници. Хорст Зехофер ја обвини Меркел дека загубила контрола над границите со нејзината политика кон бегалците. Тоа беше понижување кое мораше да го истрпи стоејќи без можност да возврати на обвинувањата.

Ангела Меркел, незаменливата

Зарем не може да остане подолго?

Меркел би сакала трет мандат за Барак Обама, иако скандалот со прислушувањето од страна на НСА беше причина за резервираност од нејзина страна. Сепак, Обама ја напушта политичката сцена и му го отстапува местото на Доналд Трамп. Весникот „Њујорк Тајмс“ ја нарече Меркел „последниот чувар на либералниот Запад“.

„Целосно идиотска“ дебата

Но, дел од пратениците на ЦДУ ги поддржаа ставовите на Бринкхаус.

„Дали сте вие сериозни? Да се каже што било друго од она што го рекол Бринкхаус не би било адекватно за една мејнстрим партија или за партија што сериозно го сфаќа уставот“, напиша на Твитер Серап Гулер, единствената муслиманка- член на извршниот орган на ЦДУ.

Карин Прин, министерката за образование на покраината Шлезвиг Холштајн, исто така смета дека нема добра причина зошто да се биде христијан е неопходна квалификација за станување партиски лидер или канцелар.

Од Социјалдемократската партија (СПД), која е во коалиција во владата со ЦДУ, ја отфрлија дебатата како „целосно идиотска“.

„Сите овие идентитетски дебати се водат само во ЦДУ“, изјави вториот човек на СПД, Ралф Штегнер. „Тие немаат ништо заедничко со вистинските проблеми во Германија“.

Следете нѐ