Мурси не се откажува од овластувањата
27 ноември 2012Египетскиот претседател Мохамед Мурси се сретна вчера со членови на Врховниот правосуден совет со цел пред нив да ја образложи својата одлука за зголемување на неговите надлежности која предизвика бран на протести во целата земја и реакции на меѓународната заедница.
Мурси пред високите судски функционери нагласил дека неговата одлука не треба да се сфаќа како обид за посегнување кон судската власт.
Претставникот на египетската опозиција Хамадин Сабахи изјави дека протестите против претседателот ќе продолжат се’ додека тој не ја поништи одлуката за дополнителни овластувања, кои му даваат одреден имунитет од судски истраги. За денеска се најавени нови протести на опозиционерите, додека најавениот контра-протест на владејачката партија Муслиманско братство е откажан.