Мушараф најави борба против тероризмот

Претседателот на Пакистан Первез Мушарав во телевизиско обраќање најави борба против тероризмот во неговата земја. Покрај останатите мерки треба да биде зголемен бројот на безбедносните сили на границата со Авганистан од каде навлегуваат радикални Талибанци во земјата. Јуришот врз Црвената џамија во Исламабад, претседателот Мушарав го означи како неизбежен. Тој истовремено ги повика водачите на илјадници корански училишта во Пакистан да проповедаат умереност. Бројот на жртвите од опсадата на Црвената џамија сеуште не е познат. Сведоци зборуваат за неколку стотини тела.