Мушараф се откажува од шеф на армијата?

Пакистанскиот претседател Первез Мушараф најави дека е подготвен да се откаже од функцијата шеф на армијата, доколку биде избран како цивилен претседател на изборите во октомври. Тоа денеска го потврди генералниот секретар на владејачката Муслиманска лига во Пакистан, Мушахид Хусеин Сајед. Двојната функција на Мушарав беше критикувана во земјата и странство. Мандатот на претседателот завршува на 15 ноември.