1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Најмалку 11 загинати во напад во Авганистан

31 јули 2011

На југот на Авганистан во самоубиствен бомбашки напад загинаа најмалку 11 лица, а повеќе други се повредени. Нападот се случил во центарот на Лашкаргах, главниот град на немирната провинција Хелманд.

https://p.dw.com/p/126yw
Местото на самоубиствениот нападФотографија: DW

Бомбашот самоубиец според наводи на очевидци се разнел себеси во близина на главната полициска станица во Лашкаргах. Властите соопштија дека најголем дел од загинатите и повредените се полицајци.

„Повредени се 12 лица, од кои деветмина полицајци и тројца цивили“, изјави Дауд Ахмади, портпарол на локалниот гувернер.

Во нападот загинало и едно дете. Авганистанските безбедносни сили месецов ја преземаа одговорноста за безбедноста во Лашкаргах.

Инаку провинцијата Хелманд веќе подолго време е сцена на масивно насилство. Во овој регион досега имаат загинато далеку повеќе странски војници отколку во кој било друг дел на Авганистан. Некои области во Хелманд и натаму се под контрола на талибанските бунтовници, кои беа соборени од власт во Авганистан по операцијата на меѓународните сили предводеи од САД во 2001 година.

Автор: СН/ АТ/ дв/ миа

Редактор: Александра Трајковска