Најубавите божиќни панаѓури во Европа

Општество

Келн, Германија

На божиќниот панаѓур пред Келнската катедрала секоја година доаѓаат по околу четири милиони посетители. Тој важи за еден од најомилените панаѓури во Германија. За добро расположение придонесуваат и над сто манифестации на бината среде тезгите.

Општество

Краков, Полска

Божиќниот панаѓур се наоѓа среде старото градско јадро. Кому срцето не му е загреано само од романтичните кулиси, можеби ќе му помогне полската вотка. Главна атракција е натпреварот за најдобри божиќни јасли, кој се одржува секоја година.

Општество

Виена, Австрија

Виенскиот Кристкиндлмаркт е сместен на историскиот плоштад пред Шотенкирхе. Покрај најдолгите јасли во Австрија (46 метри), овој панаѓур привлекува и со особено добро рачно изработени производи.

Општество

Базел, Швајцарија

Базелскиот божиќен панаѓур на Барфисерплац важи за најголем панаѓур од ваков вид во Швајцарија и ја има најдолгата осветлена божиќна улица во Европа. На панаѓурот има 180 тезги, густо наредени една до друга. На нив може да се најде што ќе ви душа посака - од дрвени играчки до вегански производи.

Општество

Стразбур, Франција

Кристкинделсмерик во Стразбур постои уште од 1570 година. Тој е најстариот божиќен панаѓур во Франција. Особеното е во тоа што типичните дрвени куќички се тискаат не само „пред нозете“ на Стразбуршката катедрала, туку на многу други места во градот. Притоа, секоја си има свои специјалитети.

Општество

Бриж, Белгија

Божиќниот панаѓур во Бриж е сместен на „Гроте Маркт“. Средновековниот град се прилагодува на божиќната атмосфера со своето осветление. Кога настапува ноќта, се вклучуваат светлечките синџири по рабовите на куќите и ги маѓепсуваат посетителите. Околу плоштадот, подготвени за обиколка на свечено осветлениот град, чекаат многу коњски кочии.

Општество

Мадрид, Шпанија

Мадридскиот божиќен панаѓур е поставен на „Пласа Мајор“. Во Шпанија врвот на божиќните прослави е 6 јануари, кога се одржува парадата на Светите три кралеви. Според шпанското верување, Трите кралеви се тие што носат подароци, а не Детето Исус. Секоја година во Мадрид доаѓаат илјадници туристи за да ја следат парадата, која се пренесува и во живо на телевизија.

Општество

Лондон, Велика Британија

Германскиот божиќен панаѓур е извозен производ. „Винтер Вондерленд“ во лондонскиот Хајд Парк е најдобриот доказ за тоа. Таму за Божик „никнува“ „Баварско село“ според германски урнек, со колбаси и варено вино, се разбира. Освен тоа, тука е и Панорамското тркало, како и лизгалиштето. Омилена е и градината со скулптури од мраз „Волшебно ледено кралство“.

Општество

Гетеборг, Шведска

Божиќниот панаѓур „Лисеберг“ во Гетеборг е најголем во Шведска и важи за посебно магичен. Особено свечена атмосфера создаваат петте милиони божиќни светилки. Тука има сѐ - од шведски специјалитети, музика и театарски претстави до возење со санки кои ги влечат ирваси. Налето целиот простор е забавен парк.

Општество

Нирнберг, Германија

Нирнбершкиот Кристкиндлесмаркт е еден од најстарите во светот. Први сведоштва за неговото постоење датираат од 1628 година. На овој панаѓур има од накит до типични нирнбершки медени колачи. Онака, како што божиќното време тоа го налага.

Декември во европските градови понекогаш е без снег, но секогаш е со божиќни панаѓури. Тие канат на забава и варено вино.