Најубавите замоци во Германија

Нојшванштајн е најпознатиот замок во Германија и магнет за публиката. Секоја година го посетуваат околу 1,5 милиони луѓе. Баварскиот крал Лудвиг Втори во близина на Фисен од 1869 година почна да го гради еден од последните големи замоци. Тој сакаше да си го исполни сонот за средновековен витешки замок. За пример му служеше Вартбург кај Ајзенах - најважната тврдина на Германија.

Изграден во 15. век, Албрехтсбург во Мајсен во Саксонија се смета за најстариот замок на Герамнија. Август Силниот во 1710 година тука ја изгради првата европска мануфактура за порцелан. Во замокот оддалечен околу 25 километри од Дрезден на Елба денес има музеј.

Тој е заштитен знак на универзитетскиот град на Некар. Порано замокот во Хајделберг беше раскошна резиденција на кнезовите од Пфалц. Меѓутоа во 1693 година беше уништен од војниците на францускиот крал Лудвиг XIV. Денес е најпознатиот замок-рушевина на Германија. Секоја година го посетуваат околу еден милион гости.

Замокот на вода се наоѓа во Гликсбург, во покраината Шлезвиг-Холштајн во флензбуршкиот залив. Тој е еден од најважните замоци на ренесансата во северна Германија. Во 16. век тој беше подигнат на местото на еден манастир на цистерците. Во 19. век беше летна резиденција на данскиот крал.

За тука безгрижно (француски: sans souci) да може да филозофира и музицира, прускиот крал Фридрих Втори по сопствени скици го изгради овој летен замок во Потсдам (1745-1747). На јужната страна нареди и да се засадат винови лози. Паркот и замокот од 1990 година се светско културно наследство на УНЕСКО.

Градскиот замок на кнезовските бискупи од Вирцбург има 365 простории. На неговиот архитект Балтазар Нојман најмногу му се восхитуваа поради раскошниот ходник, кого го краси најголмата таванска фреска во светот, насликана од Џовани Батиста Тјеполо од Венеција во 1752-53 година. Од 1981 година Резиденцијата во Вирцбург е светско културно наследство на УНЕСКО.

Замокот Аугустусбург во Брил е резиденција од 18. век. Таа за смета за мајсторско дело на рококо. Како резиденција на келнските кнезови и надбискупи таа беше пример за многу други благороднички дворови. Од 1949 со децении ѝ служеше на владата како место за гостите. Заедно со замокот Фалкенлуст и градината во Брил замокот од 1984 година се наоѓа на листата за светско културно наследство на УНЕСКО.

Замокот Шверин се наоѓа на мало острово во Шверинското Езеро, непосредно до центарот на истоимениот град. Денешниот изглед на замокот е дело на војводите од Мекленбург, од средината на 19. век. На тоа место уште пред 1000 години имало словенска тврдина. Денес тој е седиште на покраинскиот парламент на Мекленбург Предна Померанија.

Во 1857 година кралицата Мари од Хановер наполни 39 години. Кралот Георг V. за роденден ѝ го подари ридот Шуленбургер и замокот кој требаше да се изгради на него. Десет години подоцна замокот беше готов. Замокот Мариенбург до денес е во приватна сопственост на благородничкото семејство Велф. Со замокот управува принцот Ернст Аугуст фон Хановер.

Замокот Мојланд (холандски: Moiland - убава земја) се наоѓа во близина на Клеве во Северна Рајна Вестфалија. Денешниот изглед во новоготски стил го доби на средината на 19. век. Уште во 17. век тој од средновековна тврдина беше променет во барокен закон. Денес во замокот Мојланд се наоѓа уметничка збирка со многу дела на уметникот Јосеф Бојс.