Неправедна критика за поддршката на богатите за Нотр Дам

Да се критикуваат големите донатори поради нивната помош за обнова и наместо тоа да се бара тие да ги искористат парите за борба против катастрофи, со оглед на значењето на Нотр Дам, не е праведно, коментира Инес Пол.

Рефлексот е разбирлив. Ако стотици милиони евра за толку кратко време се донирани за реконструкција на една градба, тогаш смее да се постават и прашањата: зошто толку бргу се најдоа толку многу пари за мртви камења, кога во исто време луѓето во Судан умираат од глад? Или пак нема средства за да се обезбеди барем основно образование за децата во бегалските кампови?  И тоа кога станува збор за една христијанска црква, каде токму во христијанството фокусот треба да биде на љубовта кон ближните. А тоа воопшто не се изразува преку издигнување на една градба, порачува една гласна заедница на интернет. Прашања кои треба да си ги постават не само многу луѓе во воените и кризните подрачја, туку и оние што секојдневно се борат на свој начин да го направат светот малку поправеден, малку подобар.

Богатите и царството Божјо

Апсолутно пожелно е богатите дел од својата благосостојба  да ја делат со оние на кои не им оди толку добро. Токму за христијаните мора да важи правилото дека богатството исто така обврзува и оти параболата на Исус би морала да ги замисли милионерите, а уште повеќе милијардерите: „Полесно камила ќе помине низ иглени уши, отколку богат човек да влезе во царството Божјо"

Инес Пол

Но исто така е правилно да постојат градби кои се повеќе од само празни камења и претставуваат културни добра кои со векови го определуваат самоспознанието на народи и култури и токму затоа се особено важни и вредат да бидат заштитени. Нотр Дам е несомнено една од нив. На општествата, без оглед во кој културен круг, им се потребни симболи за да си ја осигураат сопствената историја. Потеклото притоа е многу повеќе од само точка на географската карта. Во овој свет на неизвесност, овие културни простори се поважни од кога било, зашто тие можат да обезбедат потпора и чувство на родина. За човек кој знае кој е, туѓото, новото, другото се помалку заканувачки. Несигурноста еп лодно тло за дискриминација и омраза.

Луѓе од целиот свет

Нотр Дам е прекрасен симбол, токму и затоа што милиони луѓе од целиот свет го имаат посетено ова важно историско место. Нехристијаните исто така беа допрени од убавината, достоинството и историското значење кое зрачат од оваа катедрала во средиштето на француската престолнина. Безбројните фотографии  од нивните посети на катедралата, кои луѓето од цел свет по пожарот ги објавија на Твитер и Фејсбук, сведочат за оваа привлечна моќ.

Европа е повеќе од една наднационална валута, таа е повеќе од економски простор. Европа е културен простор, а Нотр Дам е еден од нејзините централни симболи. Затоа е добро и исправно тоа што супер-богатите многу бргу посегнуваат по своите џебови. Бидејќи и обновата на катедралата на крајот ќе биде симбол на надеж.

Нотр Дам - историјата на една знаменитост

Зенит на готиката

Во 1163 година, парискиот бискуп Морис де Сули издал налог за изградба на катедрала. Локацијата во средиштето на Париз не е избрана случајно. Претходно, на истото место постоел римски храм. Изградбата се растегнала повеќе од два века и преживеала неколку грабежи. Прв бил изграден делот за црковниот хор. Во 1220 година била одржана првата богослужба.

Нотр Дам - историјата на една знаменитост

Катедрала на одлична позиција

За изградбата на катедралата беше специјално создадена нова улична мрежа. Бискупот Морис де Сули со градбата од светол варовнички камен на осторовот на реката Сена сакал да постави пример. 69 метри високите кули близначки, пак, биле направени од скапи материјали и требало да изгледаат драгоцено. За тоа биле собрани многу пари од парижаните како доброволен прилог.

Нотр Дам - историјата на една знаменитост

Поглед на Париз

Во наредната градежна фаза, изграден е главниот брод на црквата, чиј покрив сега беше зафатен од огнената стихија. Импозантни се двете рамни кули. Иако Нотр Дам е најпосетувано здание во француската престолнина, државата издвојува премалку пари за нејзино одржување. На многу места градежниот материјал се распаѓаше.

Нотр Дам - историјата на една знаменитост

Забот на времето

Најверојатно, поправките на покривот се причина за пожарот. Уште во минатата година, на 850-тиот роденден на Нотр Дам, се покажа дека сводовите се изедени од дождовите, ветриштата и загадувањето на воздухот. Страничните кулички мораа да бидат поткрепени. Проценетите трошоци за реновирање изнесуваа 100 милиони евра.

Нотр Дам - историјата на една знаменитост

Виктор Иго ја направи прочуена

Катедралата е со должина од 128 метри и височина 33 метри. Францускиот писател Виктор Иго ја постави Нотр Дам во центарот на својот успешен роман објавен во 1831 година „Ѕвонарот на Богородичната црква во Париз“. Уште во оваа книга, која раскажува за Квазимодо, ѕвонарот со телесен деформитет, и неговата љубов кон Циганката Есмералда, Иго се жали на состојбата во која се наоѓа зданието на црквата.

Нотр Дам - историјата на една знаменитост

Нови ѕвона

За 850. роденден роденден, камбаните со кои Квазимодо ѕвони во романот, беа отстранети од камбанариите. Во леарница беа изработени девет нови ѕвона. На свеченото поставување на новите ѕвона, илјадници луѓе се собраа пред Богородичната црква.

Нотр Дам - историјата на една знаменитост

Реновирање пред повеќе од 100 години

Во 19 век, катедралата беше реновирана од страна на Виолет ле Дук. Тој ја придодаде и т.н. галерија на Химери. Тоа е името на камените фантастични птици и митски суштества на аглите на оградата. Туристите може одвнатре и однадвор да им се восхитуваат и на прочуените розетни прозорци на катедралата.

Нотр Дам - историјата на една знаменитост

Раскошни прозорци

Внатре во катедралата ефектот на боите на розетните прозорци може подобро да се почувствува. Темно сината, но и темно црвената доминираат во спектарот на светлина. Сè во зградата се стреми нагоре - наследство на готиката. Но, дури и во подоцнежните епохи како ренесансата и барокот, црквата била доградувана и прилагодена на соодветното време. Но, готиката е доминантен стил во градбата.

Нотр Дам - историјата на една знаменитост

Нотр Дам во пламен

Катедралата е подложена на обемни реновирања, кога на 15. април на нејзиниот таван избувнува катастрофален пожар. Покривот и високата кула во средината на главниот главниот брод се уриваат во огнената стихија. Уште додека пожарот беснее низ историските ѕидови на катедралата, претседателот Емануел Макрон ветува: „Ние заеднички ќе ја обновиме Нотр Дам".

Следете нѐ