Неформална средба на шефовите на ЕУ дипломатиите

Министрите за надворешни работи на ЕУ денеска се собираат на неформална средба во германскиот град Бремен. Една од главните цели на состанокот е да пронајде заеднички курс во однос на Косово и неговиот статус. Не сите земји членки го поддржуваат планот на специјалниот пратеник на ОН, Марти Ахтисари. На дневниот ред се наметна и спорот меѓу Иран и Велика Британија поради апсењето на британските војници. Министрите ќе разговараат и за атомскиот конфликт со Техеран.