Нимиц по грчките избори со финален предлог за името

Посредникот во грчко македонскиот спор за уставното име на Македонија, Метју Нимиц својот финален предлог ќе го изнесе по парламентарните избори во Грција, пишува грчкиот весник Катимерини. Во текстот на весникот се наведува дека последниот предлог на Нимиц ќе биде полош за Грција, во споредба со оној од 2005, кога посредникот како решение го предложи името Македонија-Скопје. Парламентарните избори во Грција според редовниот термин треба да се одржат во март 2008, но сепак во јавноста се зборува за предвремени избопри кои би се одржале есента 2007.