Нова снимка на Ал Каеда
8 септември 2006На снимката се гледаат двајцата атентатори самоубијци – Саудијците Хамзе ел Рамди и Уел ел Шемари. Тие зборуваат за некаква ситуација во која се наоѓаат босански и чеченски муслимани. Петнаесетмина од 19 камикази кои учествуваа во нападите во САД беа по потекло од Саудиска Арабија. На прикажаната видео снимка се гледа и шефот на организацијата Осама Бин Ладен. Ал Џезира тврди дека прикажала само неколку минути од снимката која наводно трае час и половина. Телевизијата Ал Џезира секогаш прва ги објавува снимките со пораките на челниците на Ал Каеда. Таа претходно ја објави и снимката на шефот на оваа терористичка организација во Ирак, Абу Хамѕа Ал Мухаџер кој верува во нивната победа, но ги критикуваше ирачките сунити за учество во власта. Ал Мухаџер во видео снимката ги повика сите муџахедини да се обединат во борбата.