Нови разговори за компромис

Власта и опизицијата во Македонија на нова средба ќе се обидат да ги надминат разликите околу составот на Републичкиот судски совет, по вчерашниот неуспех за изборот на преостанатите пет членови на највисокото судско тело. Власта и натаму сака тројцата членови кои ќе ги бира собранието, да бидат нејзин предлог. Опозицијата пак бара барем еден од нив да е нивен кандидат. Останатите двајца треба да бидат предлог на претседателот Бранко Црвенковски. На вчерашните разговори не присуствуваше претставник на ДПА.