Нотр Дам - сведок на значајни настани

Од 12. век „старата дама на Париз“, како што милно ја нарекуваат Нотр Дам, стои во срцето на францускиот главен град. Катедралата, сега тешко оштетена од пожар, е централна сцена на историјата на Франција и на Европа.

Катедралата на Нотр Дам - онаква каква што ја познава светот - со векови е место на значајни настани. Во 1558 година тука е прославена раскошна венчавка: 15-годишната Марија Стјуарт, кралица на Шкотска, се омажи за францускиот престолонаследник, Франсоа II. 

Култура | 16.04.2019

Наполеон Бонапарта исто така ја користи Нотр Дам за помпезна церемонија. Тој тука во 1804 година самиот се круниса за цар на Французите - ја зема круната од рацете на папата и си ја стави на главата.

Now live
02:23 минути
Теми | 17.04.2019

Во Нотр Дам е испишана историја

Црквата преживува безбројни војни и револуции. Нејзината главна камбана го навестува крајот на Втората светска војна.

Во последниве децении Нотр Дам е сцена на важни погребни церемонии и комеморации. 

Повеќе:

-Од Македонија до Франција - нула километри

-Ние и Црквата што гори

-Нотр Дам: Пожарот целосно изгаснат, пеплосани 800 години историја

Во 1970 година, се одржува реквием за покојниот генерал Шарл де Гол - гледачи од целиот свет на 500 милиони телевизори ја следат церемонијата.

Четири години подоцна, шефовите на држави и претставници на кралските семејства дојдоа да се простат од претседателот Жорж Помпиду.

Нотр Дам - историјата на една знаменитост

Зенит на готиката

Во 1163 година, парискиот бискуп Морис де Сули издал налог за изградба на катедрала. Локацијата во средиштето на Париз не е избрана случајно. Претходно, на истото место постоел римски храм. Изградбата се растегнала повеќе од два века и преживеала неколку грабежи. Прв бил изграден делот за црковниот хор. Во 1220 година била одржана првата богослужба.

Нотр Дам - историјата на една знаменитост

Катедрала на одлична позиција

За изградбата на катедралата беше специјално создадена нова улична мрежа. Бискупот Морис де Сули со градбата од светол варовнички камен на осторовот на реката Сена сакал да постави пример. 69 метри високите кули близначки, пак, биле направени од скапи материјали и требало да изгледаат драгоцено. За тоа биле собрани многу пари од парижаните како доброволен прилог.

Нотр Дам - историјата на една знаменитост

Поглед на Париз

Во наредната градежна фаза, изграден е главниот брод на црквата, чиј покрив сега беше зафатен од огнената стихија. Импозантни се двете рамни кули. Иако Нотр Дам е најпосетувано здание во француската престолнина, државата издвојува премалку пари за нејзино одржување. На многу места градежниот материјал се распаѓаше.

Нотр Дам - историјата на една знаменитост

Забот на времето

Најверојатно, поправките на покривот се причина за пожарот. Уште во минатата година, на 850-тиот роденден на Нотр Дам, се покажа дека сводовите се изедени од дождовите, ветриштата и загадувањето на воздухот. Страничните кулички мораа да бидат поткрепени. Проценетите трошоци за реновирање изнесуваа 100 милиони евра.

Нотр Дам - историјата на една знаменитост

Виктор Иго ја направи прочуена

Катедралата е со должина од 128 метри и височина 33 метри. Францускиот писател Виктор Иго ја постави Нотр Дам во центарот на својот успешен роман објавен во 1831 година „Ѕвонарот на Богородичната црква во Париз“. Уште во оваа книга, која раскажува за Квазимодо, ѕвонарот со телесен деформитет, и неговата љубов кон Циганката Есмералда, Иго се жали на состојбата во која се наоѓа зданието на црквата.

Нотр Дам - историјата на една знаменитост

Нови ѕвона

За 850. роденден роденден, камбаните со кои Квазимодо ѕвони во романот, беа отстранети од камбанариите. Во леарница беа изработени девет нови ѕвона. На свеченото поставување на новите ѕвона, илјадници луѓе се собраа пред Богородичната црква.

Нотр Дам - историјата на една знаменитост

Реновирање пред повеќе од 100 години

Во 19 век, катедралата беше реновирана од страна на Виолет ле Дук. Тој ја придодаде и т.н. галерија на Химери. Тоа е името на камените фантастични птици и митски суштества на аглите на оградата. Туристите може одвнатре и однадвор да им се восхитуваат и на прочуените розетни прозорци на катедралата.

Нотр Дам - историјата на една знаменитост

Раскошни прозорци

Внатре во катедралата ефектот на боите на розетните прозорци може подобро да се почувствува. Темно сината, но и темно црвената доминираат во спектарот на светлина. Сè во зградата се стреми нагоре - наследство на готиката. Но, дури и во подоцнежните епохи како ренесансата и барокот, црквата била доградувана и прилагодена на соодветното време. Но, готиката е доминантен стил во градбата.

Нотр Дам - историјата на една знаменитост

Нотр Дам во пламен

Катедралата е подложена на обемни реновирања, кога на 15. април на нејзиниот таван избувнува катастрофален пожар. Покривот и високата кула во средината на главниот главниот брод се уриваат во огнената стихија. Уште додека пожарот беснее низ историските ѕидови на катедралата, претседателот Емануел Макрон ветува: „Ние заеднички ќе ја обновиме Нотр Дам".

И комеморативната церемонија за францускиот претседател Франсоа Митеран  во 1996 година се одржа во катедралата. Германскиот канцелар Хелмут Кол плачеше, плачеше за пријател.

Нотр Дам е во фокусот на вниманието на светската јавност во 2013 година: Париз ја прослави 850-годишнината од неговото обележје - катедралата добива девет нови џиновски ѕвона. За време на Француската револуција во 18 век речиси сите камбани биле стопени, а катедралата опустошена. Сега ѕвоната звучат како пред револуцијата.

Now live
03:01 минути
Теми | 16.04.2019

Огнената катастрофа на Нотр Дам

Камбаните на Нотр Дам - секогаш одново ѕвонат и во спомен на жртвите на напади. По терористичките напади во ноември 2015 година во Париз, ожалостените граѓани се собраа во долги редици пред црквата за да присуствуваат на богослужбата за жртвите.

И по нападот во Ница во 2016 година, Нотр Дам во Париз беше место на жалост и спомен за жртвите.

Следете нѐ