Ноќ што ги промени Париз и светот

Пријателскиот натпревар меѓу Германија и Франција се‘ уште беше во тек кога агенциите и другите медиуми почнаа да ги пренесуваат првите вести.

Информациите ги исплашија луѓето во Париз. Од граѓаните беше побарано да не ги напуштаат домовите.

Во концертната сала „Батаклан“ полицијата нешто пред 1 часот изутрината стави крај на заложничка драма. Таму се одржуваше хеви-метал концерт.

Францускиот претседател Оланд на народот му се обрати во телевизиски говор. Тој го напушти фудбалскиот стадион во паузата на полувремето - агенцијата СИД јави дека Оланд е „однесен на безбедно“.

За тоа време фудбалските навивачи и репрезентативците на Германија и Франција не смееја да го напуштат стадионот. Во внатрешноста на арената се одигруваа драматични сцени.

Според извештаите кои стигнуваа во текот на ноќта, станува збор за повеќемина атентатори. Од извори на државното обвинителство се вели дека петмина се убиени. Можно е да има и други соучесници, кои се во бегство.

Бројот на загинати е можно да се зголемува. Се зборува за 120 убиени. Преживеаните се во страв.

Безбедносните мерки се зајакнати во меѓународни рамки. Така е и овде, пред францускиот конзулат во Њујорк.

One World Trade Center во Њујорк е осветлен во боите на француското знаме. „Ние сме поврзани со францускиот народ со сериозна солидарност“, изјави њујоршкиот гувернер Ендрју Куомо.