Обама: на глобализацијата и е потребна корекција на курсот

Глобализацијата му донесе многу економски придобивки на светот но потребна и е „корекција на курсот“ за да се намали растечката нееднаквост, порача претседателот на САД Барак Обама од Атина

Во еден од своите последни говори пред истекувањето на мандатот, американскиот претседател Барак Обама од Атина порача дека светот мора да се соочи со растечката нееднаквост, растот на популизмот и национализмот и се обиде да ги увери европските сојузници дека традиционалното трансатлантско партнерство ќе продолжи, без оглед на изборот на Доналд Трамп за претседател.

„Глобалниот пат на глобализацијата бара корекција на курсот. Кога ќе видиме дека некои луѓе, глобални елити, богати корпорации живеат според други правила, избегнуваат даноци, манипулираат со некои пропусти... тоа создава длабоко чувство на неправда“, рече Обама.

Претседателот во заминување предупреди дека светот мора да се одбрани од „растот на тврдиот национализам, етнички идентитет или трибализам кој е изграден врз (поделбата на) 'нас' и 'нив'“.

Европските влади, особено источните држави кои се поблиску до руската орбита, се потресени по изјавите на Трамп во кои тој ги доведе во прашање безбедносните гаранции кои произлегуваат од членството во НАТО. 

НАТО е „апсолутно витален“ за интересите на САД, а силна и обединета Европа е добра за САД и за светот, рече Обама.

Обама се обидуваше да ги смири сојузниците, повторувајќи дека Европа и НАТО ќе останат темели на американската надворешна политика.

НАТО е „апсолутно витален“ за интересите на САД, а силна и обединета Европа е добра за САД и за светот, рече Обама.

Од Атина, Обама продолжува за Берлин каде го очекува канцеларката Ангела Меркел, но и лидерите на Британија, Франција и Италија.

За време на посетата на Грција, Обама беше „поздравен“ и од протести на улиците на Атина. Неколку илјади луѓе протестираат против империјализмот на САД а Обама го нарекоа „персона нон грата“. Полицијата употреби солзавец и шок-бомби за да ги разбие протестите.

Следете нѐ