Обиди за надминување на владината криза во Ирак

Ирачкиот премиер Нури Ал малики ги повика лидерите на различните политички табори на разговори за изнаоѓање излез од владината криза во земјата. Малики за ирачката телевизија изјави дека кризниот состанок би можел да се одржи веќе денеска или утре. На него треба да се разговара за политичката програма и стратешките прашања . Ирачката влада се наоѓа во длабока криза откако најголемата сунитска партија ги повлече своите министри од кабинетот на Малики. Оваа но и други партии во земјата го обвинија премиерот дека не прави доволно за помирувањето меѓу различните етникуми во земјата.