1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Објавени се номинираните за наградите „Ехо“

ДПА/T.T.22 јануари 2009

Ејми Вајнхаус, Мадона, Херберт Гренемајер, „Колдплеј“ и Пол Потс се дел од номинираните за престижните германски музички награди „Ехо“, закажани за 21 февруари. На манифестацијата ќе настапат и неколку светски имиња.

https://p.dw.com/p/GdbU
Ејми Вајнхаус - номинирана за најдобра поп-рок пејачкаФотографија: picture-alliance/ dpa

Наградите „Ехо“, кои ги доделува германската Фоно-академија, ги добиваат најуспешните германски и меѓународни изведувачи. Покрај „Греми“ и „Брит авордс“, наградите „Ехо“ се сметаат за едни од најважните во музичката индустрија.

Schiller
Кристофер фон Дејлен, алијас Шилер - номиниран за најдобар германски поп-рок изведувач

Оваа година има 24 категории, од кои една нова - категоријата за најдобра критика. Во категоријата најдобар германски машки поп-рок изведувач номинирани се Херберт Гренемајер, Удо Линденберг, Томас Годој, Петер Мафеј и Шилер. Во женска категорија за наградата се натпреваруваат Сара Конор, Штефани Хајнцман, Лафее, Анет Луизан и Ина Милер.

Во меѓународните категории, за најдобар интернационален машки поп-рок изведувач номинирани се Пол Потс, Дејвид Герет, Џек Џонсон, Лени Кравиц и Кид Рок. За наградата „Ехо“ во категоријата најдобра интернационална пејачка во трка се Мадона, Ејми Вајнхаус, Ејми Мекдоналд, Дафи и Леона Луис.

Rosenstolz
И германското дуо „Розенштолц“ си обезбеди место меѓу номинираните

Меѓу останатите номинирани во другите категории се и бендовите „Их унд Их“, „Розенштолц“, „Колдплеј“, „Марун 5“, „Пусикет Долс“ итн.

Доделувањето на наградите ќе се случи во салата „О2 ворлд“, а во улога на водители ќе се појават Барбара Шенебергер и Оливер Похер. Се очекува вечерта да настапат ѕвезди како Удо Линденберг, Кети Пери и Ејми Мекдоналд, а организаторот најавува уште неколку „големи имиња“.