Одбележани три години од масакрот во Беслан

Во Беслан, Северна Осетија денеска се одбележува три годишнината од масакрот во училиштето. Чеченски сепаратисти на 1 септември 2004 година го нападнаа училиштето и држеа повеќе од 1000 заложници. Два дена подоцна, специјална командна единица на руската армија навлезе во училиштето. Во престрелката животот го загубија 332 луѓе, повеќето деца. Околу 3000 денеска луѓе се собраа пред училиштето и положија цвеќе на местото на изгорената сала каде беа држени заложниците.