ОН - Косово

Косовскиот премиер Агим Чеку по средбата со претставниците на мисијата на Советот за безбедност во Приштина изјави дека Косово е подготвено за самостојно управување и оти нема причина да се чека усвојувањето нова резолуција за стаусот на на покраината. Според Чеку, нема потреба да се бара друго решение освен она што го предложи специјалниот претставник на Обединетите нации, Марти Ахтисари. Инаку, шефот на мисијата на Советот за безбедност, Јохан Вербеке, изјави дека делегацијата нема да остане во Приштина, туку ќе оди во уште неколку места, вклучувајќи ја и Косовска Митровица.