ОН-Косово

Во советот за безбедност на ОН денеска треба да се одржат консултации за најновата предлог резолуција за идниот статус на Косово. Членките на советот зад затворени врати ќе го разгледуваат текстот, предложен од страна на САД и ЕУ, кој предвидува дополнителни 120 денови преговори. По руските критики од резолуцијата беше изземен делот кој предвидуваше автоматско стапување на сила на предлогот на Марти Ахтиасраи доколку не биде постигнат договор. Инаку ЕУ синоќа повтори дека решението за Косово треба да се донесе преку советот за безбедност. Од централата на Унијата во Брисел исто така предупредија на опасноста од еднострано прогласување на независност или евентуална поделба на покраината.