ОН треба да го притиснат Трамп за Ерусалим

САД ја блокираа резолуцијата за Ерусалим во Советот за безбедност, но муслиманските држави членки на ОН сега го вклучуваат Генералното собрание. Американската амбасадорка во ОН реагира налутено.

Итната седница на Генералното собрание на Обединетите нации би требало да се одржи во четврток, соопшти портпарол на ОН во Њујорк. Претставниците на сите 193 земји членки би требало да гласаат за резолуцијата со која се бара повлекување на одлуката на американскиот претседател Доналд Трамп за признавање на Ерусалим за главен град на Израел. Огорченост предизвика и најавата на Трамп за префрлање на американската амбасада од Тел Авив во Ерусалим.

Конфликти | 16.12.2017

„Ништовна“

Во понеделникот САД со свое вето ја блокираа реолуцијата во Советот за безбедност на ОН. Останатите 14 земји членки на Советот се согласија со предлог текстот на резолуцијата поднесен од страна на Египет. Во текстот се изразува „длабоко жалење“ за „најновите одлуки во однос на статусот на Ерусалим“, без притоа директно да се спомене Трамп или САД. Сите дејства со кои би требало да се промени статусот на градот се „ништовни“, се вели во предлог-резолуцијата. Израел го поздрави ветото од страна на САД, додека Палестинците го критикуваа.

Повеќе на темата:

Што всушност сакаше Трамп со Ерусалим?

Ердоган бара признавање на Ерусалим за главен палестински град

Дали Генералното собрание сега ќе гласа за истиот текст или за некоја променета верзија е нејасно. Во генералното собрание секоја членка на ОН има глас и не постои право на вето. Оттука, прифаќањето на резолуцијата во случај на гласање важи за веројатно. Резолуцијата има извесна политичка тежина, но меѓународно правно не е обврзувачка.

Американската амбасадорка во ОН, Ники Хејли, става вето на предло-резолуцијата на Египет во Советот за безбедност

Американската амбасадорка во ОН, Ники Хејли, ги предупреди останатите членки на ОН да не ја одобруваат резолуцијата. САД ќе ги запамтат имињата на земјите кои ќе гласаат „за“, напиша Хејли на Твитер.

Итни седници на Генералното собрание на ОН се исклучително ретки. Последен пат ваква седница се одржа во 2009 година, а се работеше за источниот дел на Ерусалим, кој е окупиран од страна на Израел, и за палестинските територии.

Град на судири: комплексната историја на Ерусалим

Ерусалим, градот на Давид

Според Стариот завет, Давид, кралот на двете кралства на Јудеја и Израел, го освоил Ерусалим околу 1.000 година пред новата ера. Седиштето на владата го префрлил во Ерусалим, со што го претворил во главен град и верски центар на кралството. Библијата вели дека синот на Давид, Соломон го изградил првиот храм во чест на Јахве, богот на Израел. Ерусалим станува центар на јудаизмот.

Град на судири: комплексната историја на Ерусалим

Под персиска управа

Нео-вавилонскиот крал Небукаданезар II (трет од лево) го освоил Ерусалим во 597 п.н.е., според Библијата. Ги заробил кралот Јехоаким (петти од десно) и припадниците на високата класа, ги испратил во Вавилон и го уништил храмот. Откако персискиот крал Сирус Велики го освоил Вавилон, им дозволил на прогонетите Евреи да се вратат во Ерусалим и повторно да го изградат својот храм.

Град на судири: комплексната историја на Ерусалим

Под римска и византијска управа

Од 63 година п.н.е. Ерусалим паѓа под окупација на Рим. Се формираат повеќе движења на отпорот, па во 66 година избувнува првата Еврејско-Римска војна. По четири години војната завршува, а храмот е повторно уништен. Римјаните и Византијците владеат со Ерусалим околу 600 години.

Град на судири: комплексната историја на Ерусалим

Освојувањето на Арапите

При освојувањето на Сирија, муслиманските армии стигнуваат и до Палестина. По наредба на Калифот Умар (на фотографијата), Ерусалим е освоен во 637 година. Во следните години повеќе различни, меѓусебно спротивставени муслимански владетели го контролираат градот. Ерусалим е често под опсада, а владетелите се менуваат.

Град на судири: комплексната историја на Ерусалим

Крстоносците

Од 1070 година, муслиманските владетели стануваат сѐ поголема закана за христијанскиот свет. Папата Урбан II повикува на крстоносна војна. Севкупно, пет крстоносни походи се организираат во период од 200 години. Во 1244, крстоносците конечно ја губат контролата врз градот и тој паѓа под муслиманска управа.

Град на судири: комплексната историја на Ерусалим

Отоманите и Британците

По освојувањето на Египет и Арабија од Отоманите, Ерусалим станува административно седиште на Отоманскиот административен регион во 1535 година. Во првите децении на отоманското владеење, градот доживува процут. Со победата на Британците над Отоманските трупи во 1917 година, Палестина потпаѓа под британска управа. Ерусалим е преземен од Британците без борба.

Град на судири: комплексната историја на Ерусалим

Поделениот град

По Втората светска војна, Британците се откажуваат од палестинскиот мандат. ОН гласаат за поделба на земјата, со цел да се отвори простор за преживеаните од Холокаустот. Неколку арапски држави започнуваат војна против Израел и освојуваат дел од Ерусалим. Сѐ до 1967 година, градот е поделен на израелски западен и јордански источен дел.

Град на судири: комплексната историја на Ерусалим

Израел го освојува источен Ерусалим

Во 1967, Израел ја започнува Шестдневната војна против Египет, Јордан и Сирија. Израел ги освојува Синај, Појасот Газа, Западниот Брег, Голанската висорамнина и источен Ерусалим. Израелски падобранци доаѓаат до Стариот град и стојат пред Ѕидот на плачот за првпат од 1949 година. Источен Ерусалим не е официјално анектиран, туку административно интегриран.

Град на судири: комплексната историја на Ерусалим

Муслимански аџилак во Ерусалим

Израел не им забранува на муслиманите пристап до светите места. Ридот на храмовите е под автономна муслиманска администрација: муслиманите можат да влегуваат, да го посетуваат храмот и блиската Ал-Акша џамија.

Град на судири: комплексната историја на Ерусалим

Нерешен статус

Ерусалим до денес останува пречка за мирот меѓу Израел и Палестина. Во 1980, Израел го прогласува целиот град за свој „вечен и нераздвојлив главен град“. Откако Јордан се откажува од своето право на Западниот Брег и Источен Ерусалим во 1988 година, прогласена е државата Палестина. И Палестина го смета Ерусалим, во теорија, за свој главен град.

Следете нѐ